Nú haustar að og við vonum að sumarið hafi verið ykkur notalegt og gott.
Skólasetning Lindaskóla verður þriðjudaginn 24. ágúst. Vegna sóttvarnaráðstafana og fjöldatakmarkanna verður skólasetning án foreldra. Skólasetningin er í matsal skólans. Eftir skólasetninguna hitta nemendur umsjónarkennara sína.
Kl. 8:30 8. bekkur
Kl. 9:00 6.-7. bekkur
Kl. 9:30 9.-10. bekkur
Kl. 10:00 4.-5. bekkur
Kl. 10:30 2.-3. bekkur
Nemendur og foreldrar í 1. bekk verða boðaðir í viðtal til umsjónarkennara á skólasetningardaginn 24. ágúst.
Kennsla hefst samkvæmt stundatöflu miðvikudaginn 25. ágúst.
Eins og fram hefur komið í fréttum er lögð áhersla á að skólar skipuleggi starf sitt án takmarkanna en þó þannig að ýtrustu sóttvarna og varkárni sé gætt. Foreldrar mega koma inn í skólann en skulu gæta vel að persónulegum sóttvörnum og bera andlitsgrímu. Við biðjum þó foreldra að takmarka heimsóknir í skólann fyrstu vikurnar. Eins metra fjarlægðarregla gildir milli fullorðinna en nemendur eru undanþegnir þeirri reglu. Við minnum foreldra á að senda börn sín ekki í skólann séu þau með einhver einkenni sem líkjast covid einkennum.
Við hlökkum til að hitta nemendur og vonumst til að skólastarfið verði farsælt og að fólkinu okkar líði vel í skólanum.
Með kærri kveðju.
Stjórnendur Lindaskóla